|
चैतेदसैंको अवसरमा सशस्त्र प्रहरी बलको मौलोपूजा कार्यक्रम
काठमाडांै
चैतेदसैं तथा रामनवमीको अवसरमा सशस्त्र प्रहरी बलको मौलोपूजा आज वैदिक विधिपूर्वक सशस्त्र प्रहरी बल बंगलामुखी विशेष कार्यदल गण हल्चोकमा सम्पन्न भयो ।
सशस्त्र प्रहरी महानिरीक्षक सनतकुमार बस्नेतको उपस्थितिमा सम्पन्न भएको उक्त मौलोपूजा कार्यक्रममा सशस्त्र प्रहरी अतिरिक्त महानिरीक्षकहरु किशोरकुमार लामा कृष्णबहादुर बिष्ट शैलेन्द्रकुमार श्रेष्ठ ठाकुरमोहन श्रेष्ठलगायत एपीएफ अधिकृत तथा जवानहरुबाट पूजाअर्चना र मौलो तथा निशान परिक्रमा गरिएको थियो ।
सशस्त्र प्रहरी व्याण्डको मंगलधुनबीच सुरु भएको पूजा कार्यक्रममा सशस्त्र प्रहरी बलको एक टोलीले निशान भगवती सलामी अर्पण गरेको थियो ।
मौलोपूजाको संकल्प साईत आज बिहान ८ बजेर ५ मिनेटमा रहेको थियो ।
सशस्त्र प्रहरी बलले हरेक वर्ष वडादसैं तथा चैतेदसैंको अवसरमा परम्पराअनुसार मौलो तथा निशान पूजा गर्ने गरेको छ ।
मौलोपूजा संचालन तथा व्यवस्थापनमा उत्कृष्ट कार्यगर्ने सशस्त्र प्रहरी कर्मचारीहरुलाई्र त्यसैअवसरमा पुरस्कृतसमेत गरिएको भयो ।
मौलोपूजा कार्यक्रममा सशस्त्र प्रहरी बलका अधिकृत तथा जवानहरुकोसमेत सहभागिता रहेको थियो ।
| 
